छत्तीसगढ़ी कहानी

लालच के फल बुरा होथें

रचनाकार- हिमाँशु, कक्षा ग्यारहवीं, शा.उ.मा.वि. पहंडोर, पाटन, दुर्ग

सुनारी गाँव के अजब कहानी हे, सुनारी गाँव म एक गप्पु नाव के आदमी राहत रहिस. जेहर अब्बड़ लालची रहिस.गाँव म जे घर म शादी-बिहाव होए तिन्हा ओहा अब्बड़ खाए.ओखर खवई ल देख के जम्मो गाँव वाले मन बक खा जाय. गप्पु के लालचीपन ल देख के गाँव वाले मन ओला कुछू तिहार म नेवता देवेच ल बंद कर दिस. गप्पु हर अब गाँव छोड़ के शहर चल दिस उहा ओखर कोनो जान पहचान के नई रहिस, अब गप्पु ह काम करे बर हलवाई दुकान म गिस. दुकान म गप्पु ल काम मिलगे. गप्पु ह काम कम अउ खाए जादा.ओखर ऐ हरकत ल देख के दुकानदार ह ओला काम ले निकाल दिस. अब ओला काखरो करा काम नई मिलत राहय.गप्पु ल अपन किये के पछतावा होइस, अउ ओहर वापस अपन गाँव जाके सब करा माफी माँग के अपन खुद दुकान खोल के काम सुरू करिस अउ सुग्घर जिनगी बिताइस.